Наргиса

Наргиса نرگسه 1. нигаред ба наргис.

Нақшест каҷ онро, ки ту мехонӣ абрӯ
Андар сари он наргисаи пур зи хуморат.
(Амир Хусрав)

2.гули сунъӣ, ки аз оҷ ё устухон тарошида ба шифти хона барои зинат ҷой медиҳанд; гуле бошад аз оҷ ё устухони дигар, ки ба сурати наргис тарошида, бар сақфи хонаҳо насб кунанд; қуббае ки аз санг ё чӯб ва ғайра, ки бар сақфи иморот ва дарвозаҳо месозанд ва бар гирди он гулҳо нишонанд; ва дар баъзе аз кутуб навишта, ки он чи аз оҷ гулҳои наргис тарошида бар сақф ва ғайра хотамбандӣ кунанд; гуле, ки аз оҷ ё устухон, ба шакли гули наргис дуруст кунанд;

Ин сад ҳазор наргиса бар сақфи ин ҳисор
Рухсори мо чу наргиси нав зард кардаанд.
(Хоқонӣ)

3.киноя аз кавокиб; киноя аз ситорагони осмон;

Гирди наргисдони гардун бин ҳазорон наргиса,
Ҳар тараф з-ин наргиса сад гулситон омад падид.
(Амиди Лавмакӣ)

4. Парвинро низ гуфтаанд.

Бар сақфи чарх наргиса дорӣ ҳазор саф,
Аз банди он ду наргиси шаҳло чӣ хостӣ?
(Хоқонӣ)