Мастур

Мастур - (арабӣ). مستور пӯшида, покдоман, боиффат

Мастур (арабӣ) مستور бо сатр пӯшида, бо парда пӯшида, пардапӯш; пӯшида, пинҳон; пӯшидарух, ниҳон, сарпӯшида; пӯшидашуда ва пӯшонанда; ниҳонӣ, махфӣ, пардагӣ, нуҳуфта.

Шавқ агар бепарда созад ҳазрати мастурро,
Арзи як хамёза саҳро мекунад махмурро.
(Абдулқодири Бедил)

Он парда барандоз, ки мо нурпарастем,
Мастур чароӣ? Чу на мастурпарастем.
(Авҳадӣ)

2.Духтар ё зани паси парда; маҷозан пок, покдоман, боиффат, бономус; парданишини покдоман, афиф; афиф; порсо.

Зани мастур шамъи хона бувад,
Зани шӯх офати замона бувад.
(Авҳадӣ)

Маҳвашоне ба дилрабоӣ тоқ,
Ҷумла мастуру шуҳраи офоқ.
(Мушфиқӣ)