Маърифат

Маърифат - (арабӣ). معرفت илму дониш, хирад, фаросат

Маърифат (арабӣ) معرفت дониш; донистан, донандагӣ, доноӣ; фарҳанг; ҳикмат ва ҳунар ва фазл ва адаб; огоҳӣ;

Хотираш аз маърифат обод кун,
Гарданаш аз бори ғам озод кун.
(Низомии Ганҷавӣ)

2.шинохтан, донистан; шинохт; шинохтани чизе; шиносоӣ, ошноӣ;

3.биниш, тамйиз, фаҳм.

Маърифат нест дар ин қавм, Худоро, мададе,
То барам гавҳари худро ба харидори дигар.
(Ҳофиз)

4.маълумот доир ба тасаввуф, ҷаҳоншиносӣ, яке аз чор дараҷаи ирфони сӯфия: шариат, тариқат, маърифат, ҳақиқат;

Ба нури дил кунад сайри муҳити маърифат ориф,
Чароғи роҳ бошад чашми бино нохудоёнро.
(Шавкати Бухороӣ)

5.санъату пеша ва касб.