Ҳотам

Ҳотам - (арабӣ). حاتم саховатманд, сахӣ, накӯкор, ҷавонмард

Номи шахсе аз қабилаи Тайи араб, ки дар саховату бахшиш машҳур будааст.

Ҳотам // Ҳотим (арабӣ) حاتم 1. довар, қозӣ, ҳоким;

2. номи шахсе аз араб, ки дар саховат ва некӯкорӣ машҳур гардидааст ва ӯро бештар Ҳотами Тойӣ гӯянд; номи сахии машҳур; Ҳотами мазкур ибни Абдуллоҳ писари Саъди Тойӣ мансуб ба қабилаи Тай.

В-агар кофир ба эҳсон даст гирад,
Чу Ҳотам номи ӯ ҳаргиз намирад.
(Ҳилолӣ)

Набошад ҳиммати дасти саховат,
Зи лофи хидмати Ҳотам чӣ гӯям?
(Ҷунунӣ)