Дилором

Дилором - (форсӣ). آرام دل он ки ба дил оромӣ бахшад, оромибахш

Дилором دلارام 1.оромишбахшандаи дил; он ки мӯҷиби оромиши хотир бошад; мояи оромии дил, хоҳ ба ҷамолу хоҳ ба камол, оромишдиҳандаи дил, оромишбахши дил, он ки дилро осудагӣ бахшад, таскиндиҳандаи хотир; тасаллибахш, мояи тасаллӣ;

Дилором бошад зани некхоҳ,
Валек аз зани бад, Худоё, паноҳ.
(Саъдии Шерозӣ)

2.дилосуда, хурсанд;

Биёмад, сару чашми ӯ бӯс дод,
Дилорому пирӯз баргашту шод.
(Абулқосим Фирдавсӣ)

3.дилбар; маъшуқи зебо; маҳбуб; зани нозанин ва дилкаш, маъшуқа; дӯстдошта.

Дилором аст номи ту, валекин,
Дилам аз ишқат ороме надорад.
(Лоиқ Шералӣ)

4.киноя аз фарзанд.

Набуд эч фарзанд мар Сомро,
Дилаш буд ҷӯё дилоромро.
(Абулқосим Фирдавсӣ)