Ситора

Ситора - (форсӣ). ستاره кавкаб, ахтар, дурахшанда

Ситора I ستاره ном аст духтаронро; маънии он дар луғот:

1. ҳар як аз кураҳои осмонӣ, ки дар шаб медурахшад; кавкаб, ахтар; рӯшанӣ афшонанда;

Замоне дар дилам ишқу ҳавас буд,
Ситора аз бароям дастрас буд.
Агар ман рӯи дунёро надидам,
Насиби дидани рӯи ту бас буд.
(Лоиқ Шералӣ)

2. гӯшвора;

Намуд аз тарфи ораз гӯшвора,
Қирон афканд маҳро дар ситора.
(Ҷомӣ)

3. номи модари Абӯалӣ ибни Сино.

Ситора II ستاره парда, чодир.

Фурӯбурда чӯби ситора биканд,
Бизад бар сари шаҳрёри баланд.
(Фирдавсӣ)