Озарм

Озарм - нигаред ба

одрам

1;

намаде, ки таги зини асп
мегузоранд, намадзин, чиргӣ, арақчини асп

шарм, ҳаё

Дурӯғ ирзу озарм камтар кунад,
В-агар рост гӯӣ, ки бовар кунад? 
Абушакури Балхӣ

Ӯ дуздаду ман гудозам аз шарм,
Дуздафшорист ин, на озарм.
Низомӣ

иззат,
ҳурмат; эътибор, бузургӣ

Мардумӣ гирду донишу озарам,
Вайхак, аз рӯи худ надорӣ шарм!
Саноӣ

Ба озарм аз ҷамолаш парда бардор,
Бинеҳ дар пеши ӯ бар хок рухсор.
Убайди Зоконӣ

раҳм,
меҳр, шафқат; нармӣ, нармдилӣ

Шуморо ба дида дарун шарм нест,
Зи роҳи хирад меҳру озарм нест.
Абулқосим Фирдавсӣ

Агар хоҳӣ бообрӯй бошӣ, озармро пеша кун.
Қобуснома

Ду лашкар баробар шуд ороста,
Шуд озармҳо пок бардошта.
Низомӣ

озарм доштан

آزرم داشتن

1.

раҳм кардан, меҳру шафқат доштан

2.

ҳурмат кардан, эҳтиром кардан; рӯи хотир кардан, поси хотири касеро нигоҳ
доштан

адолат,
инсоф

Нигаҳ дорад озарм тахти каён,
Ба хунрезӣ аввал набандад миён.
Низомӣ

роҳат,
осудагӣ, осоиш

Чунин дод посур, ки он к-аз нахуст,
Ба неку бад озарми ҳар кас биҷуст...
Абулқосим Фирдавсӣ

ғам,
ғусса, андӯҳ

... Ки андар замона моро кӯдакест,
Зи озарми ӯ бар дилам хоб нест.
Абулқосим Фирдавсӣ

хорӣ,
зорӣ

Бидонед, к-ин арз озарм нест,
Сухан бо муҳобову бо шарм нест.
Абулқосим Фирдавсӣ

ошкор,
зоҳир

Боз зи ганҷина гиреҳ кард боз,
Гаҳ сухан озарм шуду гаҳ роз.
Хусрави Деҳлавӣ

1.

раҳм кардан, меҳру шафқат доштан

2.

ҳурмат кардан, эҳтиром кардан; рӯи хотир кардан, поси хотири касеро нигоҳ
доштан

Манбаъ: vazhaju.tj