Мурод

Мурод - (арабӣ). مراد мақсад, талаб, хоҳиш, хоҳиш, орзу

Мурод ‫مراد‬ 1. хоҳиш, орзу; хост, хоста, ком;

Хоҳанд ошиқон ду мурод аз Худои хеш:
Ҳаҷр аз барои ғайру висол аз барои хеш.
(Ҳилолӣ)

2. мақсуд, мақсад, объекти орзу ва талаб; хосташуда, иродашуда; манзур, қасд, ғараз, матлуб.

Муроди ҳарду ҷаҳон ёфтам зи давлати дӯст,
Даме, ки ёфтам аз давлати рақиб халос.
(Камоли Хуҷандӣ)

3. қасд, нийят, азм;

Нигоро, ёру дилдорам ту бошӣ,
Мурод аз сайри гулзорам ту бошӣ.
(Ҷунунӣ)

4. матлуб, маъшуқ;

Аз ту Камоли шикаста ҷуз ту нахоҳад,
З-он ки муриди туам ману ту муродам.
(Камол)

5. шайх, муршид; пир, дастгир; раҳнамо, раҳбар, пешво;

6. пешниҳод.