Маҳбуб

Маҳбуб - (арабӣ). محبوب дӯстдошта, муҳаббатбаста

Маҳбуб (арабӣ) ‫محبوب‬ муҳаббатбасташуда, касе, ки аз тарафи дигаре дӯст дошта шудааст, дӯстдошташуда; маъшуқ; дӯстдошта; мавриди алоқа ва муҳаббат; писандкардашуда, писандида; дилситон, дилдор, дилбанд, дилбар, дилрабо, дилором, дилнавоз; зане, ки мавриди муҳаббати марде воқеъ шуда; маъшуқа;

Балои мардуми аҳли назар бувад чашмат,
Ба ноз агар бадар оӣ зи мактаб, эй маҳбуб!
(Амир Хусрави Деҳлавӣ)

2. дӯст; гиромӣ, писандида, ҷонон, дилпазир, дӯстгон;

Биё, то ҳар чӣ ҳаст аз дасти маҳбуб,
Биёшомем, агар заҳр аст, агар нӯш.
(Саъдии Шерозӣ)

3. нигорин;

4. дар истилоҳи сӯфиён мурод аз ҳақиқати мутлақ ва ҷамоли ваҷҳи Ҳақ.

Ин сухан бо кӣ тавон гуфт, ки мо
Ҷуз ту маҳбуб надидему ҳабиб.
(Ҳоҷиби Шерозӣ)