Латофат

Латофат - (арабӣ). لطافت латифӣ, назокат, зарифӣ, зебоӣ, раъноӣ

Латофат لطافت 1. нозукӣ, борикӣ, зарифӣ, хуштабъӣ; нозук будан; нармӣ;

Хуш аст, агар ба ҳадиси Камол дорӣ гӯш,
Латофати суханонаш чу дурри макнун аст.
(Камол)

2.покӣ, покизагӣ, беғуборӣ;

Борон, ки дар латофати табъаш хилоф нест,
Дар боғ лола рӯяду дар шӯразор хас.
(Саъдии Шерозӣ)

3.зебоӣ, раъноӣ, назокат, нозукандомӣ, мавзунқоматӣ;

Пеши гул гоҳ аз он латофати тан,
Гоҳ аз он бӯи пираҳан мегуфт.
(Абдурраҳмони Ҷомӣ)

4.мулоимат, хушмуомилагӣ, муносибати нағзу нарм; некӯ будан, некӯӣ; нағзӣ;

5.дилҷӯӣ кардан;

6.равшан будан;

7.хурдӣ, резагӣ.

Ба латофат чу бар наёяд кор,
Сар ба беҳурматӣ кашад ночор.
(Саъдии Шерозӣ)