Кибриё

Кибриё (арабӣ) کبريا 1.бузургӣ, бузургманишӣ, бартарӣ; азамат; иқтидор, ҷалол.

Ман хоҳаме, ки чун ту ба майдон шитобаме,
К-он ҷой ҷойи мартабату иззу кибриёст.
(Фаррухӣ)

Турки мо сӯи кас наменигарад,
Оҳ аз ин кибриёву ҷоҳу ҷалол.
(Ҳофизи Шерозӣ)

2.бузургӣ, азамат (сифати Худо); Худованди таъоло; азамату шукӯҳи худовандӣ.

Чу карда пешвоӣ анбиёро,
Гирифта пеши роҳи кибриёро.
(Низомии Ганҷавӣ)

Мар ӯро расад кибриёву манӣ,
Ки мулкаш қадим асту зоташ ғанӣ.
(Саъдии Шерозӣ)