Камол

Камол - (арабӣ). كمال мукаммалӣ, пуррагӣ, рушд, тараққӣ

Камол (арабӣ) ‫کمال‬ 1.пуррагӣ, мукаммалӣ; фазилат;

Камол он аст, к-аз худ бошӣ огоҳ,
Чи дар саҳро, чи дар хилват, чи дар роҳ.
(Абдулқодири Бедил)

Ниҳоли ошиқон пайванди ишқ аст,
Камоли ошиқон савганди ишқ аст.
(Лоиқ Шералӣ)

2. ниҳоят, мунтаҳо; тамом шудан;

3. тахаллуси шоирони номвар Камоли Исфаҳонӣ ва Камоли Хуҷандӣ.

Ду Камоланд дар ҷаҳон машҳур:
Яке аз Исфаҳон, дигар зи Хуҷанд.
Ин яке дар ғазал адимулмисл,
В-он дигар дар қасида бемонанд.
(Камоли Хуҷандӣ)