Гулистон

Гулистон گلستان 1.ҷои махсуси рӯидан ва парвариш ёфтани гулҳо; ҷойи гул, боғчаи гул, гулбоғ; гулзор, боғи гул; маҳалли рӯидани гул, ҷое, ки гул рӯяд, маҳалли дамидани гул ва сабза; ҷое, ки дарахту буттаи гул бисёр бошад, гулзор; боғе, ки дар он гулҳои гуногун парвариш медиҳанд, гулшан.

Бӯйи он гумшудаи хеш намеёбам ҳеч,
З-он чӣ судам, ки сабо бӯйи гулистон овард?
(Амир Хусрави Деҳлавӣ)

2.ҷое, ки дар он гули сурх бисёр рӯида;

Дар гулистон гар ба пои булбулон хоре халад,
Наварӯсони чаман сад ҷома бар тан медаранд.
(Ҳилолӣ)

3.яке аз адвори мулоими мусиқии қадим.