Ғиёсуддин

Ғиёсуддин - الدین غیاث - фарёдраси дин

Ғиёсуддин (арабӣ) الدين غياث 1. мададгори дин;

2. ибни Искандар, маъруф ба Аъзамшоҳ аз мулуки Бангола; Шиблии Нуъмонӣ ҳикоят мекунад, ки Султон Ғиёсуддин ибни Султон Искандари Банголӣ бо Ҳофиз ирсолу мурсале дошт ва шоирро барои ӯ ғазалест маъруф, ки ин абёт аз он аст:

Соқӣ, ҳадиси сарву гулу лола меравад 
В-ин баҳс бо салосаи ғассола меравад.
Шаккаршикан шаванд ҳама тӯтиёни Ҳинд,
З-ин қанди порсӣ, ки ба Бангола меравад…
Ҳофиз, зи шавқи маҷлиси Султон Ғиёсиддин 
Ғофил машав, ки кори ту аз нола меравад.