Дилфурӯз

Дилфурӯз دلفروز нигаред ба Дилафрӯз.

Шаби суҳбат ғанимат дону доди хушдилӣ бистон,
Ки моҳе дилфурӯз аст ону тарфи лолазоре хуш.
(Ҳофизи Шерозӣ)

Дилафрӯз дилкушо, фараҳбахш; афрӯзандаи дил, дилфурӯз, дилшодкунанда, хуррамибахш; равшанкунандаи дил, шодиовар, он ки сабаби шодию шодмонӣ шавад, мӯҷиби фараҳи хотир.

Аз қазо сӯи боғ шуд рӯзе,
То кунад айш бо дилафрӯзе.
(Низомии Ганҷавӣ)

2.маҷозан маҳбуба, маъшуқа; киноя аз маъшуқ ва маҳбуб;

Маро ту дӯст будӣ, эй дилафрӯз,
Валекин дӯсттар гаштам аз имрӯз.
(Гургонӣ)

3.ситора, ахтар;

4.зеборӯй, мояи равшании дил.

Ё Раб, ин шамъи дилафрӯз зи кошонаи кист?
Ҷони мо сӯхт, бипурсед, ки ҷононаи кист?
(Ҳофиз)