Бӯҳанифа

Бӯҳанифа (арабӣ) بوحنيفه 1. ин ном аз ду таркиб: бӯ – шакли ихтисоршудаи абӯ ва ҳаниф иборат аст; вожаи «ҳаниф» дар луғатҳо ба маъниҳои зерин меояд: моил аз ҳар дини ботил ба сӯи дини ислом собит бар он; муътақид ба ислом; ҳоҷӣ; он ки дар миллати Иброҳим (а) бошад; хатнакарда, мусулмон; мусулмони ростдин; мустақим; рост;

2. куняи Имоми Аъзами Кӯфӣ, раҳматуллоҳи алайҳ, ки номи мубораки эшон Нуъмон буд.

З-он буҳанифамартабату шофиъибаён 
Чун Мисру Кӯфа буд Нишопур з-эҳтиром.
(Хоқонии Шарвонӣ)

3. писари Ҳазрати Алӣ (р) бародари Ҳасан ва Ҳусайн аз модари дигар, ки Хавла ном дошт. Дар Мадина иқомат карда, дар ҳамон ҷо вафот кардааст.