Азро

Азро - (арабӣ). ازرا дӯшиза, бокира; ошкор

Азро (арабӣ) عذرا 1.духтар, дӯшиза, бокира, афифа; бикр, дӯшиза; дӯшиза, духтар ; дӯшиза; бикр; ба маънии духтари дӯшиза ва зани бикр.

Ҳама нозиданаш аз дидани зуввор бувад,
Вомиқ аст ӯ ба масал гӯию зоир Азрост.
(Фаррухӣ)

2.гавҳари сӯрохнашуда;

3.бурҷи Сунбула аз суратҳои фалакӣ; номи бурҷи Сунбула, чаро ки Бурҷи мазкур низ ба сурати духтарест, ки дар дасти ӯ хӯшаи гандум аст;

4.ба маънии ошкоро;

5.ва аз забони сиқот масмӯъ аст, ки духтари дӯшизаро азро гӯянд, аз он гӯянд, ки муҷомиъат ба ӯ тааззури тамом дорад, яъне душвор аст;

6.номи маъшуқаи Вомиқ дар достони «Вомиқу Азро»; маъшуқаи Вомиқ; номи маъшуқаи Вомиқ, ки бар ӯ ошиқ буд ва он канизаке буд бикру дӯшиза.

Касе, ки талъати ҳусни изори Азро дид,
Бувад ҳароина Вомиқ ба пеши ӯ маъзур.
(Мансури Халлоҷ)

Касе маломати Вомиқ кунад ба нодонӣ,
Азизи ман, ки надидаст рӯи Азроро.
(Саъдии Шерозӣ)

7.лақаби ҳазрати Марям.

8.номи яке аз занони Искандари Зулқарнайн Азро буд.