Асир

Асир (арабӣ) اسير 1. бандӣ; маҳбус; дастгир, гирифтор, дарбанд; дастгиршуда; дастгиркарда.

Ақл озодам бинагзорад ҳаме чун дигарон,
Аз пайи ноне ба дасти фосиқе бошам асир.
(Саноии Ғазнавӣ)

2. барда; банда;

Дар ҳама мулк подшост Камол,
То ки дар дасти туст асир, эй дӯст.
(Камоли Хуҷандӣ)

3. маҷозан гирифтори ишқ, ошиқ.

Ғами ҷафои ту, бераҳм, бар дари кӣ барам?
Яке ба раҳм нигар бар асири дарбадарат.
(Ҳайрат)

4. маҷозан мафтун кардан.

Он турки шӯх бин, ки чӣ мастона меравад,
Шаҳре асир карда, суи хона меравад.
(Абдурраҳмони Ҷомӣ)