Анӯша

Анӯша انوشه 1.хушҳол, шод, хушбахт, саодатманд, хурсанд; хуррам; олӣ, аъло; шодӣ, хушию хуррамӣ; хушу хуррам.

Анӯша, ки гардид гавҳар падид,
Дуруд аз шумо худ бад-ин сон сазид.

2.офарин ва баракаллоҳ; марҳабо! зиҳӣ!
Нажандию ҳам шодмонӣ зи туст,
Анӯша далере, ки роҳи ту ҷуст.
(Фирдавсӣ)

3.маҷозан шароби ангурӣ.
Анӯша хур, тараб кун, ҷовидон зӣ,
Дирам деҳ, дӯст хон, душман парокан!
(Манучеҳрӣ)

4.ҷовидон, боқӣ, пойдор; ҷовид, бемарг; безавол.

5. домод; маҷозан ба маънии домод, яъне марди навкадхудо; ҷавони тоза домодшударо ҳам гӯянд.

6.подшоҳи навҷавон; подшоҳи нав, шоҳи ҷавон, навшаҳ; подшоҳи ҷавон.

7.номи Анӯшервон, ки дар дар асл Анӯшарвон ва Нӯшинравон буда.