Шуҳрат

Шуҳрат (арабӣ) شھرت 1.машҳурӣ, номдорӣ; овоза, иштиҳор, маъруфият; номбардорӣ; номдор шудан, маъруф гардидан; сит, баландовозагӣ, номоварӣ;

Лаби дарё насими тоза дорад,
Муҳаббат ҳам дару дарвоза дорад.
Кушояд ҳар касе дарвозаашро,
Ки ному шуҳрату овоза дорад.
(Лоиқ Шералӣ)

2.маъруф гардидан;

Қасди шуҳрат набуд Ҷомиро,
К-ин ҳама назми обдор навишт.
(Абдурраҳмони Ҷомӣ)

3.ошкор шудан; фош гаштани амре, зоҳир шудан; ошкор кардан ва бо лафзи шудан ва кардан мустаъмал аст.